Treretters middag i Fjæra Sjøhus
Dei to kokkane våre, Torjus Raknes og Petter Beyer, har både laga mat og spela musikk saman i ei årrekke, og har erfaring frå nokre av Bergens fremste restaurantar og festivalar. Under Håsong 2024 serverer dei ein herleg treretters middag basert på lokale råvarer.
I 2009 vart Petter kåra til Nordens mest lovande kokk (Linie Award), og han har mellom anna jobba på Bagatelle i Oslo, under Eyvind Hellstrøm, og på Bare på 13 i Bergen. Torjus har mellom anna erfaring som kjøkkensjef på Landmark i Bergen, 29|2 Aurland og Bjørnøya Meteorologiske Stasjon. Om det er sjømat, sidersmaking eller gatemat, så lagar dei mat av lokale og berekraftige råvarer. Her blir det garantert mykje god smak og herlege matopplevingar.
Meny med sesongens lokale råvarer.
Det blir servert tre rettar frå grill som inneheld ein forrett med grønnsaker og lokal ost, hovudrett med fersk heilgrilla fisk, og ein dessert med is.
